Skólanefndarfundur 18.janúar 2110

Mættir voru Gunnar Guðmundarson, Soffía Björgvinsdóttir, Rannveig Ólafsdóttir og Daníel Hansen skólastjóri.

Fyrir var tekið:

1. Skólastjóri fór yfir skólastarfið frá því síðasti fundur var haldinn og hefur það gengið vel. Fækkar um eitt barn á næstu dögum þar sem Amber er á förum til Ástralíu.

2. Kennaramál. Rætt var um kennaramál næsta vetur og er ánægjulegt að vita að tveir réttindakennarar hafa spurst fyrir um stöðu hér. Verður þetta skoðað á næstunni og gengið frá ráðningum fyrir vorið.

3. Sjálfsmat skólans. Fjallað var um úttektarskýrslu á vegum menntamálaráðuneytissins.

4. Húsgögn. Guðmundur og Maren á Raufarhöfn gáfu hljóðkerfi í skólann í tilefni 25 ára afmælis hússins og er þeim þakkað fyrir það. Í tilefni af því var rætt um að nú væri tækifæri fyrir velunnara skólans að hugsa vel til hans. Eitt af því sem mest er þörf á núna eru ný húsgögn í holið.

5. Danskennsla. Í næstu viku verður danskennsla á Þórshöfn og hefur verið ákveðið að nemendur úr Svalbarðsskóa fari allir í dansnám. Líklegast þarf að flytja skólann að mestu til Þórshafnar þessa daga því tvisvar á dag er kennt og í fjórum hópum. Reynt verður að fá inni fyrir þá sem ekki eru að dansa svo þeir geti sinnt sínu námi.

6. Kynningarbréf frá skíðasvæðinu á Dalvík lagt fyrir og rætt um það.

7. Skólastjóra langar til að auka samskipti við Bakkafjarðarskóla og lýst skólanefnd vel á það.

Fleira ekki tekið fyrir.

Soffía Björgvinsdótttir

Rannveig Ólafsdóttir

Gunnar Guðmundarson

Daníel Hansen